Йўл харитасининг ижроси «EasyProjесt» ахборот тизими жорий этилиб, доимий назоратда бўлади. Бу борада «AMANAT» партияси Туркистон вилоят маслаҳати фракция мажлисида айтилди. Йиғилишга минтақавий партия бўлимининг Ижроия котиби, Фракция етакчиси Б. Тажибаев раислик қилди. Унда вилоят маслаҳати котиби Қ. Балабиев, вилоят ҳокимининг ўринбосари А. Сабитов иштирок этди. Фракция мажлисида 17та туман, шаҳар партия бўлимларининг  раислари, фракция аъзолари, барча  даражадаги 263 нафар депутат, масъул бошқарма раҳбарлари онлайн ва офлайн тартибда иштирок этишди.
Минтақавий Йўл хариталарининг  2021 йилги ижроси ва 2022 йилга режаланган ишлар тўғрисида вилоят стратегия ва иқтисодий тараққиёт бошқармасининг раҳбари Қ. Қайипбекнинг ҳисоботи тингланди. Йўл харитаси доирасида 2021 йили 7та йўналиш бўйича 110 чора-тадбир режаланиб, уларнинг 96,4 фоизи бажарилган. Жорий йил эса 149та тадбир ўтказиш режаланган. Ўтган йили  бажарилмаган масалалар қайта кўрилиб, тегишли бошқармалар билан ишлаш натижасида уларнинг қисқартирилгани айтилди.
Йиғилиш сўнггида вилоят ҳокими ўринбосари А. Сабитов қатор топшириқлар берди:
– Вилоят миқёсида жорий йили 1565та  тадбир бажарилиши даркор. Биринчи чорак якунига кўра 81та вазифанинг бажарилмаслиги эҳтимол. Бу борада ишни кучайтиришимиз жоиз, – деди  у.