Қозоғистон Республикаси Парламент Мажлиси депутати Абилфас Хамедов Сайрам тумани аҳолиси билан референдумни қўллаб-қувватлашга бағишланган тадбирда учрашди.
Унда туман ҳокими маслаҳатчиси Рисқул Еспўлай, вилоят маслаҳати депутати, ўзбек этномаданият бирлашмаси раиси Бадриддин Нишонқулов, вилоят “Ижтимоий тотувлик” муассасаси раҳбари Элмира Жанғазиева, маҳаллий этномаданият бирлашмалари, ёшлар ташкилотлари раҳбар ва аъзолари иштирок этди. Йиғилишда сўз олган депутат А. Хамедов ўз сайловчиларини референдумда фаол иштирок этишга чақирди.
– Мазкур референдум мамлакатимиз келажагини белгилайди. Бу ислоҳотлардан кўзланган мақсад – халқ фаровонлигини ошириш, демократик жараёнларни жадаллаштириш, мамлакатда бирдамлик ва ҳамжиҳатликни мустаҳкамлашдан иборат. Шунинг учун биз сиёсий ислоҳотларнинг зарурлиги ва аҳамиятини тушунтиришга ҳаракат қилишимиз керак, – деди А. Хамедов. Йиғилиш иштирокчилари референдум ўтказиш тўғрисидаги қарорни қўллаб-қувватлаб, ўз фикрларини билдирдилар.