Арис шаҳрида илгари Ўрта Осиёда бўлмаган янги завод қурилиши бошланди. Туркистон вилоятининг ҳокими Ў. Шўкеев поливинхлорид грануласи ва қўшилмаси ишлаб чиқарадиган корхона фаолияти билан танишди. Зарур хомашё Хитой, Россия ва Туркиядан келтирилади. Корхона ойига 300 тонна маҳсулот чиқаради. Қурилишга зарур елим панеллар ишлаб чиқарувчи саноат цехида бугунги кунда 30 одам доимий иш билан машғул.

Арис шаҳрида миллий спортни тарғиб қилувчи мажмуа замонавий талабларга мувофиқ жиҳозланди. “Арис – Шардара” тошйўли бўйида қад ростлаган отчопар ҳудудида хусусий сармоядорлар ҳисобидан шаҳар аҳолиси ва меҳмонларига иппотерапия хизмати тақдим этилмоқда. Шунингдек, бу ерда кўпкари, пойга, ошиқ отиш каби миллий ўйинларни ривожлантириш учун барча шароитлар муҳайё. Умумий майдони 5 минг гектарни эгаллаган мажмуада бир вақтнинг ўзида 270 одамга хизмат кўрсатилади.

Вилоят ҳокими давлатдан грант олиб, тадбиркорлик фаолиятини бошлаган ишбилармон фуқаролар билан учрашди. 25 фуқаро грант олиб (1225200 тенге), кўрпа-тўшак тикиш, чеварлик, хушбўй совунлар чиқариш билан машғул.

Вилоят ҳокими аҳоли билан учрашиб, уларнинг талаб-истакларини тинглади. 

Арисликлар ҳокимдан йўл қурилиши, газ таъминоти, мактабга қатнайдиган автобус, ичимли сув масаласи ва электр тармоқлари, оқова сувлар тизимига оид муаммоларни ҳал қилиб беришни илтимос қилишди.

Вилоят ҳокими муаммолар қонун доирасида ўз ечимини топишини ҳамда ҳар бири алоҳида назорат остида бўлишини маълум қилди.