Ўтган йилда Мустақиллигимизнинг 30 йиллиги муносабати билан Тулкибош туманида бошланиб, жорий йил “Болалар йили” доирасида давом этаётган “Мактабингга дўмбира совға қил!” акцияси туман Маданият уйида поёнига етди. 

Миллий дўмбира куни муносабати билан уюштирилган тадбирда Тулкибош тумани ҳокимининг ўринбосари Е. Ўрманов, туман маслаҳати котиби С. Сейсенбаев, Саврон тумани ҳокимининг ўринбосари С. Садибаев, туман инсон салоҳиятини ривожлантириш бўлими мудири Е. Қадирбек, мактаб директорлари, зиёлилар иштирок этишди.

Е. Ўрманов ва С. Сейсенбаевлар миллий дўмбира куни билан қутлаб, тадбирда фаол иштирок этганларга туман ҳокимининг ташаккурномаларини топширишди. Тадбирда Т. Рисқулов номли мактабдан сўнг эстафета тизгинини ушлаган 

Б. Мўмишули номли мактабнинг дўмбира тўгарагига 50та дўмбира совға қилинди. Шундан сўнг, эстафетани туман ҳокимининг ўринбосари Ербўл Керимбекули савронлик ҳамкасби Серик Ўмирханулига топширди. У савронликлар номидан эсдалик совғаларини тақдим этди. 

Байрам тадбири туман санъат мактабининг ёш санъаткорлари ва туман Маданият уйи ходимларининг концерт дастурига уланиб кетди.