Туркистон вилоятида кеча-кундуз ишлайдиган ягона тиббий ахборот маркази ишга туширилди. У билан вилоят аҳолиси 1305 қисқа рақами орқали боғланиши мумкин. Марказнинг очилиш маросимида Туркистон вилояти ҳокими ўринбосари Арман Сабитов ва Туркистон вилоят жамоат соғлигини сақлаш бошқармаси раҳбари Марат Пашимов иштирок этди.

Ахборот марказининг асосий вазифаси ҳудудий тиббиёт хизматлари фаолиятини яхшилаш, фуқароларнинг барча мурожаатларни ўз вақтида назорат қилиш, ахборот-таҳлил марказини ташкил этиш, аҳолига сифатли хизмат кўрсатишдан иборат. Бу шаҳар ва вилоят аҳолисига “Ягона дарча” тамойили асосида соғликни сақлаш масалаларида хизмат кўрсатадиган тиббий алоқа марказининг янги лойиҳасидир.

Марказда 12 киши, шу жумладан, 10 нафар оператор аҳолига хизмат кўрсатади. 

Туркистон вилоятидаги мобил телефонлардан (барча уяли алоқа операторлари) 1305 рақамига қўнғироқ қилиш бепул. Шунингдек, WhatsApp орқали 87711031313 ёки 1305.kz@mail.ru манзилига хабар йўллашингиз мумкин.