“30 август – ҚР Конституцияси куни”га бағишланган брифингни вилоят ижтимоий тараққиёт бошқармаси раҳбари А. Ўсербаев ўтказиб, байрам муносабати билан вилоят маркази ва туман-шаҳарларда юзлаб тадбирлар ўтказилаётганини маълум қилди.

– Байрам арафасида қатор ижтимоий  соҳа иншоотлари фойдаланишга топширилмоқда. Жумладан, Туркистон шаҳрида 67 метрли бассейнга эга очиқ осмон остидаги ҳордиқ маскани очилди. Шунингдек, болалар майдончасига эга “Тўлебий” истироҳат боғи ва “Саломатлик истироҳат боғи” фойдаланишга топширилади. Қазиғурт туманида эса 45 метр баландликдаги Давлат байроғи, Сариоғоч туманида 390 ўринли Заковат мактаби қад ростлади, Байдибек, Тулкибош, Келес, Мақтаарал, Ўрдабоши, Шардара туманларида жами 8та янги мактаб биноси ўқувчиларни қабул қилишга тайёр, – деди Ансар Жанабайули.

Вилоят маданият бошқармаси раҳбарининг ўринбосари А.Темирханулининг айтишича, деярли барча маданий муассасаларда “Асосий Қонуним – олтин таянчим” мавзуида китоб кўргазмалари уюштирилмоқда.

 Шунингдек, байрам арафасида минтақадаги кўп болали оилаларга, имконияти чекланган фуқароларга, фахрийлар ва ижтимоий аҳволи ночор оилаларга хайрия тадбирлари ўтказилади.