Тулкибош тумани, Састўбе шаҳарчасида Конституция куни муносабати билан Шерхан Муртаза номидаги WAQF хайрия жамғармаси, «Састөбе Цемент» заводи раҳбарияти ҳамда туман ҳокимлиги ташаббуси билан “Мактабга йўл” хайрия тадбири уюштирилди. Унда саховатпеша фуқаролар 6 миллион тенгедан зиёд маблағга 172 болага зарур кийим-кечак ва ўқув қуролларини ҳадя қилишди.

Тадбирда Қозоғистон халқи Ассамблеясининг Тадбиркорлар ҳамжамияти президенти, Шерхан Муртаза номидаги хайрия жамғармаси раиси, Тулкибош туманининг Фахрий фуқароси Қ. Айтбай, туман ҳокими ўринбосари Е. Ўрманов, «Састөбе Цемент» заводи раҳбарияти, туман инсон салоҳиятини ривожлантириш бўлими мудири Е. Қадирбек, оммавий ахборот воситалари вакиллари иштирок этишди.

Е. Ўрманов тадбир иштирокчиларини Конституция куни билан қутлаб, Қайрат Ўринбайули ва завод раҳбарларига миннатдорчилик билдирди ҳамда туман ҳокими Нурлан Байғутулининг табрик хатини ўқиб, эшиттирди.

Шу кунгача тумандаги эҳтиёжманд ва асровчиларидан айрилган оила ва кўп болали оилалардаги болаларни мактабга

тайёрлаш мақсадида 600га яқин ўқувчига тадбиркорлар, корхоналар, депутатлар томонидан моддий ёрдам кўрсатилди.