Тараз шаҳрида тиббиёт ходимлари ўртасида республика спорт байрами бўлиб ўтди.

Мусобақаларда мамлакатимизнинг барча ҳудудларидан мутахассислар иштирок этди.

Беллашувларда Туркистон вилояти терма жамоаси умумжамоа ҳисобида бош совринни қўлга киритди.

Спортнинг беш турини ўз ичига олган мусобақада шифокорлар футбол, ​​волейбол, стол тенниси, сузиш, билярд бўйича баҳслашишди.

Спартакиадада биринчи ўринни қўлга киритган Туркистон жамоаси Туркистон вилоят жамоат саломатлигини сақлаш бошқармасига қарашли тез ёрдам станцияси, Мақтаарал туманидаги “Атакент” касалхонаси, Туркистон шаҳар касалхонаси, Тулкибош туман касалхонаси тиббиёт ходимларидан ташкил топган.

 Ғолибларга диплом ҳамда эсдалик совғалари топширилди.

– Мусобақада асосан тиббиёт соҳасида фаолият кўрсатиб келаётган шифокор, ҳамширалар, техник ходимлар иштирок этишди, – дейди вилоят  соҳа касаба уюшмаси раиси А. Ақилбеков. – Аҳолининг саломатлиги ҳақида қайғуриб, сидқидилдан меҳнат қилиб келаётган касб эгалари баъзан ўзлари ҳақида унутиб қўядилар. Улар беллашувда нафақат билим ва маҳоратларини балки чаққонликларини ҳам намойиш этишди. Мақсад ҳам шу эди. Жисмоний чиниқиш уларга ҳам жуда зарурдир.