Вилоят марказида ободонлаштириш тадбирлари тизимли давом этмоқда. Энг муҳими, дам олиш масканлари одамлар учун қулай ва жозибали бўлиши керак. Туркистон вилояти ҳокими Дархан Сатибалди режалаштирилган ишларни ниҳоясига етказиш зарурлигини қайд этди. Мутасадди хизматлар раҳбарларига барча давлат иншоотларидаги вазиятни ҳар куни назорат қилиб бориш мажбурияти юкланди.

Вилоят раҳбари пудратчиларга ободонлаштириш ва қурилиш ишларини сифатли бажаришга алоҳида эътибор қаратиш ва аҳоли талабларини инобатга олиш зарурлигини таъкидлади. 

Иш суръатини ошириш мақсадида қўшимча ишчи кучини жалб этиш юзасидан кўрсатмалар берди.

Минтақа раҳбари вилоят марказида барпо этилаётган қатор янги иншоотларда бўлиб, қурилиш жараёни билан танишди.

– Туркистон шаҳрини ривожлантириш тадбирлари режа асосида олиб борилмоқда. Қурилиш соҳасига киритилаётган сармоя мамлакатга хизмат қилиши керак. Ҳар бир иншоот халқ учун қурилаётган экан, унга юксак масъулият билан ёндашиш, ишларни виждонан бажариш зарур, – деди Д. Сатибалди.

Туркистон шаҳрида вилоят куч ишлатар тузилмалари ва ҳуқуқ-тартибот идораларининг янги бинолари барпо этилмоқда. Ҳокимга маъмурий-тадбиркорлик марказида қад ростлаётган вилоят ички ишлар бошқармаси биноси қурилиши ҳақида маълумот берилди. 470 ўринга мўлжалланган полиция бошқармаси биносининг умумий майдони 4000 квадрат метрни ташкил қилади. 

Бинода ички пардозлаш ишлари олиб борилмоқда.

Олимпия захиралари мактаби маъмурий биносида ҳам ички пардозлаш ишлари ниҳоясига етмоқда. 200 хонадан иборат беш қаватли бинода спортчилар ва мураббийлар жойлашади. Вилоят ҳокими томонидан иншоотнинг сифати билан боғлиқ қатор топшириқлар берилди.