Президент Шимкент нефтни қайта ишлаш заводининг ишлаб чиқариш қувватлари билан танишди.

Қасим-Жўмарт Тўқаев мегаполис шаҳарга хизмат сафари чоғида Шимкент нефтни қайта ишлаш заводига ташриф буюрди.

Завод бошқарув компанияси – «Петро Қазақстан Ойл продактс» МЧБ президенти Ербўлат Қўжабаев давлатимиз раҳбарига замонавийлаштирилган ишлаб чиқаришнинг жорий фаолияти ҳақида ҳисобот берди.

Бугунги кунда заводнинг лойиҳа қуввати йилига 6 миллион тонна нефтни қайта ишлаш даражасига етиб, К-4, К-5 экологик тоифали ёқилғи-мойлаш материалларини ишлаб чиқариш йўлга қўйилди.

Шундан сўнг Президент завод ишчи-хизматчилари билан суҳбатлашиб, ишлаб чиқариш иншоотининг стратегик аҳамиятига тўхталди.

– Ҳозир завод ички бозорнинг 40 фоизини таъминламоқда. Маҳсулот сифати ҳам яхшиланди. Бу жуда кенг қамровли тадбир. Буларнинг барчаси сиз, ишчиларнинг фидокорона меҳнатингиз туфайли амалга оширилмоқда, – деди Қ. Тўқаев.

Сўнгги уч йилда заводда бензин ишлаб чиқариш 2,1 миллион тоннага, реактив керосин ишлаб чиқариш 340 минг тоннага, дизель ёқилғиси ишлаб чиқариш 1,9 миллион тоннага етди. Маҳсулот тўлиқ ички бозоргда сотилади.