Туркистон шаҳрида Turkistan Marathon 2022 тадбири ўтди. Соғлом турмуш тарзи ва спортни оммалаштириш мақсадида уюштирилган мусобақада мамлакатимизнинг турли бурчакларидан, шунингдек, яқин ва олис чет эллардан ташриф буюрган 2 мингдан зиёд спорт жонкуярлари иштирок этиб, куч синашди. 

Марафон – жаҳонда жадал ривожланаётган спорт сайёҳлигининг бир тури. Унда иштирок этиш нафақат ишқибозлик, балки хориж давлатларига саёҳат қилишнинг ўзига хос туридир. 

Қозоғистондан 12та вилоят вакили ҳамда чет эллик спортчилар мусобақада иштирок этиш истагини билдиришди. Мазкур йирик лойиҳага ташриф буюрган вилоят ҳокими Д. Сатибалди марафон иштирокчиларига омад тилади.

– Мазкур марафон оммавий спортни ривожлантиришга ҳиссасини қўшади, деб ўйлайман. Бу – Туркистонда спортга қизиқишнинг ортиб бораётганининг ифодаси. Барчангизга муваффақият тилайман, – деди вилоят ҳокими.

Марафончилар 10, 21 ва 42,2 чақирим масофада беллашдилар. Болалар 3 чақирим масофада куч синашдилар. Тадбир якунида ғолибларга пул мукофотлари топширилди.