Сариоғоч тумани ҳокими Мухит Ўтаршиев 9 ой якунлари бўйича ОАВ вакилларига мусоҳаба берди.

Муҳит Баймаханбетулининг айтишича, туман бюджетининг даромадлари 2022 йили 4,8 млрд. тенге миқдорида режаланган. Ҳисобот давридаги  режа 3,6 млрд. тенге. Яъни амалдаги тушум 4,1 млрд. тенгени ташкил этиб, режа 112, 5 фоиз бажарилган. Бюджетнинг харажат қисми 36, 3 млрд. тенгега режаланиб, ҳисобот даврининг  режаси  99,8 фоиз ўзлаштирилди.

Бир майдондан йилига 2-3 ҳосил олиш” лойиҳаси жорий йил минтақадаги 8437,2 гектарда амалга оширилиб, 92 минг тонна ҳосил олинган. Шунингдек, 465,4 гектарда томчилатиб суғориш технологияси жорий этилган. Шу билан бирга, чорвачилик соҳасида ҳам ўсиш бор. Жорий йил 9 ойи 12079,3 тонна гўшт (тирик вазнда), 47468,8 тонна сут ва 88,1 млн.дона тухум етиштирилди.

Шунингдек, “Оддий буюмлар иқтисодиёти” бўйича 400 млн. тенгега 3 лойиҳа маъқулланди.

Таъкидлаш жоизки, сайёҳликни ривожлантириш мақсадида Сариоғочда жорий йил 3 лойиҳа ишга туширилди. Натижада, 100 одам иш  ўринлари билан таъминланди.