Тўққиз йўлнинг туташган жойида равнақ топаётган Туркистоннинг улкан захира манбаи, одам капитали ва сайёҳлик салоҳияти туркий мамлакатларни бирлаштирадиган “TURAN” махсус иқтисодий минтақасини ташкил этиш учун қулайдир. Буни вилоят сармоя ва экспорт бошқармаси раҳбари ўринбосари Нургул Абдразақова бошчилигидаги делегация Ўзбекистон Республикаси сармоядорлари билан учрашувида таъкидлади.

Вилоятнинг ўзига хос хусусиятлари ва имкониятлари тақдимотидан сўнг, Хоразм вилояти ҳокимлиги ҳамда Туркистон вилояти делегацияси ўртасида савдо-иқтисодий ва маданий-гуманитар соҳалар бўйича ҳамкорлик меморандуми имзоланди. Хоразм ва Фарғона вилоятларидаги тўқимачилик саноати салоҳияти билан яқиндан танишгач, Туркистон вилоятида саноат корхоналари очган сармоядорларга  имконият ва имтиёзлар ҳақида маълумот берилди.

Урганч ва Фарғона шаҳарларидаги қатор фабрикалар ва терини қайта ишлаш корхоналари раҳбарлари билан учрашувларда Туркистон вилоятининг бизнес салоҳиятини янада кенгайтириш ҳақида сўз борди. Учрашув якунида томонлар қўшма амалий тадбирлар орқали Қозоғистон ва Ўзбекистон ўртасидаги стратегик ҳамкорлик муносабатларини мустаҳкамлашга ҳисса қўшади, деб ишонч билдиришди.