2022 йил 1 сентябргача мамлакатимизга олиб келинган хорижий автомобилларни қонунийлаштириш 2023 йил 23 январдан бошланади.

Шу муносабат билан Туркистон вилояти аҳолиси четдан олиб келинган автомобилларни рўйхатдан ўтказиш тўғрисида +7 7253 358 637 алоқа рақамлари орқали маълумот олиши мумкин. 

Cаll-марказдан ташқари, бу хизматни Аҳолига хизмат кўрсатиш марказларидаги мутахассислар ҳам кўрсатишлари мумкин.

Қонунийлаштириш учун ариза “Электрон ҳукумат” портали орқали ёки ихтисослашган АХКМга топширилиши мумкин. У ерда фақат хорижий автомобилларни қонунийлаштириш учун зарур бўлган ҳужжатларни қабул қиладиган махсус шўъбалар ташкил этилган. Чет эл машинасини рўйхатга олиш учун 4та ҳужжат зарур: 1) ариза; 2) ариза берувчининг шахсий гувоҳномаси; 3) транспорт воситаси паспорти ёки рўйхатдан ўтганлиги тўғрисидаги ҳужжат; 4) транспорт воситасига эгалик ҳуқуқини тасдиқловчи ҳужжат. 

Ариза ва ҳужжатлар топширилгандан сўнг, автотранспорт давлат рақамларини таққослаш учун ихтисослаштирилган АХКМнинг кўрикдан ўтказиш пунктига киритилади. Текширувдан ўтгач кейин 2 кун ичида тегишли қарор чиқарилади.

Хориж автомобилларини рўйхатдан ўтказиш тадбири Туркистон вилоятидаги 5та ихтисослашган АХКМда, яъни Туркистон шаҳри, Мақтаарал, Ўрдабоши, Сайрам ва Сариоғоч туманларида амалга оширилади.

Таъкидлаш жоизки, хорижий транспорт воситаси соҳиби дастлабки рўйхатдан ўтиш учун 200 000 тенге, техник паспорт учун 4313 тенге ва давлат рақами учун 9660 тенге миқдорида давлат божини тўлайди.