Туркистон вилояти ҳокими Дархан Сатибалди бир неча фуқарони шахсий масалалари бўйича онлайн тарзда қабул қилди. Қабулда вилоят ҳокимининг ўринбосарлари, ҳуқуқ-тартибот идоралари, бошқарма раҳбарлари ҳам иштирок этди.

– Давлатимиз раҳбари “Халқ овозини тингловчи   давлат” концепциясини ҳаётга татбиқ этиш юзасидан кўрсатмалар берди. Шу билан бирга, аҳолининг ҳар бир мурожаати эътиборсиз ва жавобсиз қолмаслиги керак. Қонун доирасида тушунтириш ва қўллаб-қувватлаш ишларини олиб бориш зарур, – деди Дархон Сотибалди Сариағаш, Шардара, Сайрам, Тулкибош, Қозиғурт туманлари аҳолисининг мурожаатларини тинглар экан.

Сариағашлик фуқаро кўчани асфальтлаш, йўлларни таъмирлаш масаласини кўтарди. Кўчага газ ва сув қувурлари тортилгани учун йўл асфальтланмаган. Яна бир фуқаро Шардара туманидан обикор ер ажратиш, чекка қишлоқда тиббиёт муассасаси қуришни сўради. Қабулда иштирок этган фуқароларга  қонун доирасида тушунтиришлар берилди. Вилоят ҳокими масъул бошқарма раҳбарига сариағашлик фуқаро айтган ҳудуддаги йўл муаммосини ўрганиш бўйича топшириқ берди. Шардарадаги обикор ерлар муаммосини  ҳам ҳал қилишни топширди.

Сайрамлик фуқаро туман марказидаги майдонда олиб борилаётган сифатсиз қурилиш ва мактабдаги ноқонуний ишлардан шикоят қилди. Вилоят раҳбари қурилиш олиб бораётган пудратчининг ишини текшириш юзасидан  топшириқ берди. Мактаб директори устидан тушган ариза ҳам ўрганилиши керак. Вилоят инсон  салоҳиятини ривожлантириш бошқармасига ҳам аниқ топшириқ берилди. Шунингдек, бошқарма раҳбари зиммасига Тулкибош шаҳрида яшовчи фуқаронинг боғча мудири устидан ёзган аризасини текшириш вазифаси юклатилди. Шу билан бирга, уч масала кўтарган қозигуртликларнинг мурожаат ва таклифлари ҳам инобатга олинди.