Мустақил Давлатлар Ҳамдўстлигидан ташриф буюрган кузатувчилар мамлакатимизда ўтадиган навбатдан ташқари Мажлис депутатлари сайловига тайёргарлик ва унинг ўтиш жараёни тайёргарлик тадбирлари билан танишмоқда.

Бу ҳақда МДҲ бош котибининг биринчи ўринбосари Леонид Анфимов маълум қилди:

– Марказий сайлов комиссияси раиси Нурлан Абдиров билан суҳбатлашдим. Бизга сайлов жараёни тўғрисида атрофлича маълумот берилди. Бу бизнинг Қозоғистондаги сайловларда кузатувчи сифатидаги 17-, МДҲ давлатларидаги 120-ташрифимиз эканлигини алоҳида таъкидлайман. – МДҲдан кузатувчилар миссияси аъзоларининг умумий сони 200 киши атрофида бўлади. Улар Астанада ишни бошлаб юбордилар, – деди Леонид Анфимов.

МДҲ вакилининг айтишича, кузатувчилар фаолияти давомида сиёсий партияларнинг сайловолди штаблари, депутатликка номзодлар билан учрашувлар ўтказиб, барча даражадаги сайлов участкалари фаолияти билан танишиш режалаштирилган.

– Кузатувчиларнинг асосий қисми овоз беришга 2-3 кун қолганда, яъни 16-17 март кунлари Астанага етиб келишади. Умуман олганда, биз нафақат Астанада, балки республиканинг бошқа минтақаларида ҳам овоз бериш жараёнини кузатамиз, – деди Л. Анфимов.