Вилоят ҳокими Дархан Сатибалди Арис шаҳрига ташриф буюриб, қатор иншоотларни оралади ва шаҳарнинг сармоявий аҳволи билан танишди. 

Минтақа раҳбари, дастлаб, Ақдала қишлоғидаги “ROYAL” паррандачилик фермасига борди. У ерда вилоят ҳокими тадбиркор билан суҳбатлашди ва ушбу соҳанинг давлат томонидан қўллаб-қувватланишини таъкидлади. Ушбу ферма товуқлар сонини 10 мингтага етказишни кўзлаган ва бир кеча-кундузда 7000 дона тухум етиштиради. Лойиҳа қиймати – 310 миллион тенге. Қурилиш ишлари ниҳоясига етган ферманинг қурилишига тадбиркор ўз ҳисобидан 110 миллион тенге сарфлаган. Ферма энг сўнгги русумдаги ускуна ва технологиялар билан жиҳозланган. 

Таъкидлаш жоизки, ферма қошида 70 бош йилқини бўрдоқилаш майдони ҳам иш бошлаган.

Вилоят раҳбари Дархан Сатибалди Арис шаҳрига хизмат сафари давомида «Mega-Agat» МЧБга борди. Бир неча лойиҳани амалга ошириб келаётган биродарлик яна иккита янги лойиҳани бошлади. Биринчиси – пластик қувурларини мослаштириш қисмлари ишлаб чиқариш цехи. Бу ерда ҳам дунёнинг энг илғор технологиялари жорий этилган. Тадбиркор лойиҳага 100 миллион тенге сарфлаган. «Mega-Agat» биродарлигининг иккинчи лойиҳаси – иситиш тизимига мўлжалланган пластик қувурлар чиқариш. Бундай корхона аввал вилоятимизда йўқ эди. Завод бир кеча-кундузда 2000 квадрат метр маҳсулот ишлаб чиқаради.  

Сўнг, вилоят ҳокими полиэтилен пакетлар ишлаб чиқарадиган «ADM HOLDING» корхонасига борди. Бу ерда йилига 1200 тонна маҳсулот ишлаб чиқариш имконияти мавжуд. Тадбиркор завод қурилиши ва ускуналарни харид қилишга 100 млн. тенге сармоя сарфлаган.