Келес туманида мамлакатдаги энг йирик иссиқхона мажмуаси барпо этилмоқда. 500 гектардан ортиқ майдонга эга мажмуада йилига 240 минг тонна сабзавот етиштирилади. Туркистон вилояти ҳокими Дархан Сатибалди йирик лойиҳани амалга ошираётган “Эко-культура” холдинги президенти Александр Рудаков раҳбарлигидаги сармоядрлар билан аграр соҳадаги ҳамкорлик масалаларини муҳокама қилди.

Ҳозир Келес туманидаги 51 гектар майдонда лойиҳанинг биринчи босқичи амалга оширилмоқда. У келгуси йилда ишга туширилади. 7 минг киши иш билан таъминланади. Сармоя  миқдори –  524 миллиард тенге.

Учрашувда томонлар қатор қўшма лойиҳаларни муҳокама қилдилар.

Туркистон вилояти республика аҳолисини мева-сабзавот билан таъминловчи асосий минтақа ҳисобланади. Вилоятда 2 минг гектар майдонда 3 мингдан ортиқ иссиқхона ёки республикадаги иссиқхоналарнинг 71 фоизи мавжуд. У ерда 12 мингдан ортиқ киши меҳнат қилади. Бу соҳага йўналтирилган сармоялар ҳажми 7 баравар ошди.

“ЭКО-культура” 13 йилдан буён барқарор ривожланиб, иссиқхоналарда  экологик тоза сабзавот етиштирувчи йирик агросаноат холдингларидан биридир. Бир йилда ишлаб чиқарилган маҳсулот ҳажми 300 минг тоннадан ошади.