“Қозоғистон халқи тиллари куни” ва “Халқаро оила куни” муносабати билан “АМАNАТ” партиясининг Сайрам туман бўлими мажлислар залида туман полиция бошқармаси ташаббуси билан “Мустаҳкам оила – мустаҳкам давлат кафолати” мавзуида давра суҳбати ўтди. 

Тадбирдан кўзланган мақсад – оила ва никоҳнинг ижобий имижини шакллантириш, оилавий қадриятларни тарғиб қилиш, ота-оналарнинг фарзанд тарбиясидаги масъулиятини оширишдан иборат. 

Давра суҳбатини “Оилаларни қўллаб-қувватлаш маркази” ДКнинг “Маслаҳатлар ва ҳар томонлама қўллаб-қувватлаш” бўлими раҳбари, ҳуқуқшунос, полиция фахрийси Ғалим Медеуов олиб борди. 

Тадбир давомида туман ПБ бошлиғининг ўринбосари, полиция майори Ғалимжан Қурбаналиев учрашувга махсус таклиф этилган Жибек жўли қишлоғида яшовчи 9 фарзанднинг онаси, “Алтын алқа” соҳибаси Айнур Жақиповага ташаккурнома, совғалар ва фарзандларига ўқув қуролларини топширди.

Туман таълим бўлими бош мутахассиси Фарида Ўспанова янги ўқув йили билан табриклаб, самимий тилакларини изҳор этди. Шунингдек, ички ишлар ходимлари ёшлар ва коллеж ўқувчиларини ҳуқуқбузарликларнинг  оқибати  борасида огоҳлантирдилар.

Давра суҳбатида Сайрам туман маслаҳати депутати Мунаввар Убайдуллаева, М. Горький номидаги умумтаълим мактаби директорининг тарбиявий ишлар бўйича ўринбосари Райхан Алайбекова, пробация бўлими нозири Нуржан Тлеуов, Сайрам туман ПБнинг хотин-қизларни зўравонликдан муҳофаза қилиш гуруҳи нозири, полиция лейтенанти Аяужан Алихан, Сайрам туман ПБ ювенал полиция гуруҳи нозири, полиция лейтенанти Салтанат Маханбет, Сайрам туман ПБ тарбия ишлари ва кадрлар бўйича гуруҳи нозири, полиция капитани Аделя Сағинай, халқаро касбий медиатор  Сайёра Довонова, Сайрам туман “Жамоат тотувлиги” ДККнинг мутахассиси Сайфуддин Аитов, Ишбилармон хотин-қизлар кенгашининг фаол аъзоси, “Мерейлі отбасы” танлови ғолиби, хусусий тадбиркор Нурсулу Алдабергенова, Сайрам туман марказий кутубхонаси тизими ходимлари, “Жанубий Қозоғистон Саноат-Инновация коллежи” талабалари, ота-оналар, ёшлар, зиёлилар, ОАВ вакиллари иштирок этдилар.