Туркистон шаҳрида қурилаётган ЭкоБозор яқинда ўз фаолиятини бошлайди. Бу – анъанавий қишлоқ хўжалиги бозорининг ва замонавий савдо ўринларининг афзалликларини ўзида мужассам этган янги шаклдаги деҳқонлар бозори. 14 гектар ерни эгаллаган 900та савдо ўрнидаги қурилиш майдони 5 гектарни ташкил қилади.
Вилоят раҳбари Ўмирзақ Шўкеев вилоят марказида бунёд этилган ЭкоБозорнинг қурилиши билан танишди. Ҳоким янги савдо марказида вилоят деҳқонлари учун барча шароитлар яратилишини айтиб, бу борада масъул раҳбарларга топшириқлар берди. Ёпиқ бозор озиқ-овқат маҳсулотлари улгуржи баҳода сотиладиган йирик савдо ўрнига айланади. Бу ерда деҳқонлар ўзлари етиштирган маҳсулотларни ўзлари бевосита сотишлари мумкин.
Марказий стадионнинг атрофини ободонлаштириш ишлари билан танишган минтақа раҳбари пудратчилар билан ўз фикр-мулоҳазаларини ўртоқлашди. Ў. Шўкеев ишларни тезлаштиришни топширди. Ясси кўчаси бўйидаги истироҳат боғи ва дендробоғда вилоят ҳокими қурувчилар билан учрашди.
“Туркистон шаҳар истироҳат боғи”нинг умумий майдони 28 гектарга яқин. Шу кунгача дендробоққа 12 мингдан зиёд кўчат ўтқазилиб, 2360 квадрат метрга гуллар экилса, 20 минг квадрат метрдан зиёд майдонни кўкаламзорлаштириш режалаштирилган. Бу ерда тунги чироқлар ўрнатилиб, майсалар экилиб, суғориш тизими барпо этилган. Йўлаклар ётқизилиб, ахлат қутилари ўрнатилди.