Туркистон вилояти минтақасида сув тошқинининг олдини олиш мақсадида вилоят ҳокими Дархан Сатибалди Сирдарё ўзани бўйидаги Ўтрор, Саврон туманлари ва Арис шаҳрининг минтақасидаги аҳволни тикучарда назорат қилди. 

Кузатув чоғида дарё бўйига яқин жойлашган қишлоқлар ва сув ҳавзаларининг ҳолатига эътибор қаратди. Фавқулодда вазиятлар департаментининг раҳбарлари билан маслаҳатлашиб, баҳорги тошқинларнинг олдини олиш тадбирларини яна бир бор пухталади.

– Об-ҳавонинг кескин исиб кетганлиги сезиляпти. Шу боис сув ҳавзаларининг аҳволини қатъий назоратга олиб, навбатчилик ўрнатилиши керак. Дарё ва кўллар, ариқлар доимо назоратда бўлади, – деди Д. Сатибалди.

Текшириш натижаларига кўра вилоятдаги тўғонлардаги сув миқдори меъёрда эканлиги аниқланди. Айни дамда барча сув иншоотларининг аҳволи ва даражасини назорат қилиш мақсадида махсус комиссия тузилган. Минтақа раҳбари масъулларга сув ҳавзаларида хавфсизлик тадбирларини кучайтириш бўйича топшириқлар берди.

Бундан ташқари, минтақа раҳбари назорат чоғида “Кўксарой” сув тақсимлагичига бориб, сувнинг миқдорини текширди.

“Кўксарой” сув тақсимлагичидан чиқарилаётган 600 куб метр сув тўсиқсиз ўтмоқда. Айни пайтда ҳаво ҳароратининг кўтарилиши туфайли, вазият ўзгариши мумкин.