Туркистон вилояти ҳокими Ўмирзақ Шўкеев хизмат сафари чоғида Ўрдабоши туманидаги қатор иншоотларни оралади.
Минтақа  раҳбари ташрифини Шубарсу қишлоғидан бошлади. У хусусий клиника фаолияти билан танишди. 250 беморни қабул қила оладиган  тиббиёт муассасасида 125 мутахассис ишлайди. Туманда 51та  соғликни сақлаш муассасаси мавжуд.
Шунингдек, вилоят ҳокими Ўрдабоши туманининг янги лойиҳалари билан танишди. Чунончи, Бўген қишлоғидаги тиббий амбулаториянинг эски биносини ер ости минерал сувларидан самарали фойдаланиш мақсадида реабилитация ва соғломлаштириш марказига айлантириш режаланган.
Табиий захиралар тиббий мақсадларда фойдаланилади. Икки қаватли бинонинг умумий майдони 14 минг квадрат. метрни ташкил қилади.
Шу билан бирга, вилоят раҳбари маҳсулот экспорт қилинадиган иссиқхонани бориб кўрди. Бу ерда икки гектар майдонда етиштирилаётган помидор ва бодринг вилоят бозорлари  ва бошқа вилоятларга етказиб берилмоқда.
Таъкидлаш жоиз, Ўрдабоши туманидаги иссиқхоналарнинг умумий майдони 87 гектарни ташкил этади, шу жумладан, 21 гектари саноат иссиқхоналаридир. Ўтган йили уларда  қарийб 10 минг тонна сабзавот ва мева етиштирилди.
Туман  ҳокими Нурбўл Турашбеков Бўралдай сув омбори лойиҳасини вилоят раҳбарига тақдим этди.Обикор деҳқончиликни ривожлантириш, сув муаммоларини ҳал қилиш учун Ўрдабоши туманида тизимли ишлар олиб борилмоқда. Бугунги кунда минтақада умумий узунлиги 800 чақиримдан зиёд 87та канал мавжуд. Уларнинг 215 чақирими ўтган йили тозаланган. Натижада, экин майдонларни суғориш яхшиланди. Бу йўналишдаги ишлар бу йил ҳам давом этади.