Элбошимиз Нурсултан Назарбаевнинг 5 июнь куни имзолаган Фармонини Жануб аҳли зўр қувонч билан қабул қилди. Аҳолиси зич жойлашган икки туманни – Мақтаарал, Жетисай, Сариоғоч ҳамда Келес номи билан 4 туманга ажратиб берган Президентимизга эл миннатдорчилик билдирмоқда. Барчангизни Жанубий Қозоғистон вилояти учун ҳам муҳим, ҳам тарихий хушхабар билан чин дилдан табриклайман!

21 йил муқаддам мустақилликнинг қийин даврларида мазкур туманлар қўшилиб, бир марказга айлантирилган эди. Энди мана, қаддимизни тиклаб, куч-қудратимиз ортган бир даврда қайта аслига келтирилди. Юқоридаги қарор янги иш ўринларини очишга, давлат дастурларини сифатли амалга оширишга ўз таъсирини кўрсатади.

Барқарор тараққиёти билан республикага танилган кечаги икки, бугунги тўрт туманда 700 мингдан зиёд фуқаро бор. Қишлоқ хўжалиги ва тадбиркорликка мослашган туманлар чегара ҳудудида рақобатбардошлик билан сидқидилдан меҳнат қилиб келишмоқда.

Янги Фармон меҳнаткаш элнинг шодлиги билан бирга даромадларини янада орттириши аниқ. Шунинг учун ҳам жанубийқозоғистонликлар номидан вақт талабига кўра қарор қабул қилиб, аҳоли эҳтиёжига мос қадам ташлаган Миллат етакчисига сидқидилдан миннатдорчилик билдирамиз.

Бу Мустақилликнинг, барқарорлик ва тинчликнинг меваси. Бирлигимиз баракага етаклаб, ҳамжиҳатликда ризқ-насибамизни орттираверайлик!