ҚР Президентлигига номзоднинг давлат тилини эркин ўзлаштиришини аниқлайдиган лингвистика комиссияси раиси Мирзатай Жўлдасбеков “Nur Otan” партияси номидан номзод Қасим-Жўмарт Тўқаевнинг имтиҳон натижасини эълон қилди.

– Маълумки, “Nur Otan” партияси тавсия қилган номзод Қасим-Жўмарт Кемелули Тўқаев бугун икки соат давомида имтиҳон топширди. Биринчи ёзма ишининг мавзуси – “Абай Қўнанбайулининг поэзияси ва насиҳатлари”. Иккинчи матнни ўқиш учун Шерхан Муртазанинг “Мингбулақ” ҳангомалари ва ҳикоялари тўпламини танлаб олди. Учинчиси, унинг ўзига жуда яқин “Ҳозирги Қозоғистоннинг геосиёсати” мавзуи бўлди, – деди Мирзатай Жўлдасбеков.

Унинг айтишича, президентликка номзоддан имтиҳон олишда комиссия аъзолари тўлиқ қатнашиб, ўз фикрларини очиқ айтишган.

– Биринчи иншони ёзганда Абайнинг поэзияси, доно сўзлари, унинг кўпчилик учун аҳамияти тўғрисида бугунги нозодимиз теран мушоҳада қилди. Жуда чиройли иш. Биз ундан бирорта хато топмадик. Шерхан Муртазанинг ҳангомалари ва ҳикоялари тўпламидан учта саҳифани ўқиб берди. “Ҳозирги Қозоғистоннинг геосиёсати” бўйича атрофлича гап юритиб, мазмунли сўзлаб берди. Умуман, лингвистика комиссиямиз берган хулосага кўра, Қасим-Жўмарт Тўқаев давлат тилини тўлиқ, ҳар томонлама ўзлаштирган, – деди комиссия раиси.