Туркистондаги Х. А. Яссавий номли Халқаро қозоқ-турк университетининг маданият саройида «одам капиталини ривожлантириш манбаи сифатида қозоғистонча таълим мазмунини янгилаш» мавзуида ўқитувчиларнинг анъанавий август кенгаши ўтди.

Ўқитувчилар салоҳиятини оши­риш, таълим мазмунини янгилаш,  тизимини ривожлантириш стра­­те­­­гиясини белгилаш мақсадида уюш­­­­­­­­­­­­­­­­­тирилган йиғилишда Туркистон ви­­­лояти ҳокимининг ўринбосари Ме­йиржан Мирзалиев, вилоят мас­ла­ҳа­тининг котиби Қайрат Балабиев, ви­лоят маслаҳати депутатлари, Қо­зоғистон Республикаси Таълим ва фан вазирлиги вакиллари, туман ва шаҳар ҳокимлари, таълим бўлимлари, жамоат ташкилотлари раҳбарлари, ўқитувчилар, ота-оналар қўмиталари раислари ва ОАВ вакиллари иштирок этишди. Шунингдек, тадбирда фидойи ўқитувчилар ва таълим фахрийлари тақдирланди.

Ўқувчилар сонининг кўпайиши му­носабати билан 2018-2025 йиллар­да вилоятда 184та янги мактаб қурили­ши режалаштирилмоқда. Жорий йил сўнгига қадар 22та иншоот фой­­да­ланишга топширилади, қолган 46та бино 2020 йилга кўчирилади.

Шу билан бирга, янги ўқув йилидан бошлаб мактабларда учта янги фан жорий этилади, булар – «Тадбиркорлик ва бизнес асослари», «Тасвирий санъат ва дизайн», «Дастлабки ҳарбий ва тех­нологик тайёргарлик». Бундан таш­­­­қари, 9-синфдан бошлаб янги дас­­­турга мувофиқ «Ҳуқуқ асослари» фани ўқитилмоқда. 

Шу билан бирга, ўтган йили вилоят­­­­­­нинг иккита туманида ил­мий асос­да билим даражасини оши­риш­га қара­тилган эксперимент муваф­фақият­ли якунланди. Бундай мураккаб ва кенг кўламли тажриба мамлакатимизда илк бор ўтказилди.

Таъкидлаш жоиз, 2018-2019 ўқув йилида вилоятнинг 138 нафар ўқув­­­­­чи­си халқаро ва республика мусо­бақа­ларида совринли ўринларни қўлга киритди.