Туркистон вилоятининг Мақтаарал туманида пахта терими бошланди. Ж. Нурлибаев қишлоқ округига қарашли “Нуржан” деҳқон хўжалиги 5,8 гектар ерга “Мақтаарал 47/27” пахта навини эккан. Теримни биринчи бўлиб бошлаган хўжалик гектаридан 27 центнердан ҳосил олмоқчи.

“Оқ олтин” теримига чиқ­қан маҳаллий ишчиларга ҳар килоси учун 30 тенгедан тў­ланмоқда. Йиғилган ҳосил “Қарақир” пахта қабуллаш пунк­тига ўтказилмоқда. Ўтган йил туманда пахтани қайта иш­лайдиган 5та завод ва пах­та қабул қиладиган 69та пункт деҳқон хўжаликларига хизмат қилганди. Бу йил ҳам корхоналар йиғим-терим мав­сумига тайёр. Кузги дала иш­­­­ларини юритишга давлат то­­­монидан имтиёзли нархда аж­ратилган 4420 тон­на ёнилғи хўжаликларга тарқа­тилмоқда.

– Бугунги кунда пахта пай­кал­­ларида баргларни тушириш иш­лари олиб борилмоқда. Ту­­­­ман бўйича 7842 гектар пах­­та­зор дефолиацияланган. Бу жу­да паст кўрсаткич. Шу­нинг учун хўжаликларда ту­шун­­тириш иш­ларини юрит­моқ­да­миз, – дейди туман қиш­лоқ хў­жалиги бўлими раҳбари Ў. Мир­замданов.

Туманда АҚШдан 16та “ДЖОН-ДИР” пахта териш ком­байни сотиб олин­ган. Йил бо­шидан бери мақта­арал­лик деҳқонлар лизинг ва ўз маблағи эвазига 414 млн. тен­­­гега 40та техника сотиб олиш­ган.