Соат 00.00да Еxit-poll натижалари эълон қилингач, Қозоғистон Республикасининг Тўнғич Президенти Нурсултан Назарбаев Nur Otan партиясининг республика сайловолди штабига борди, дея хабар беради Элбошининг матбуот хизмати. 

Exit-poll натижаларига кўра, Nur Otan партияси 72,01 фоиз овоз олгани маълум бўлди.

– Барчангизни Nur Otan партиясининг ёрқин ғалабаси билан табриклайман. Exit-pollнинг дастлабки натижалари қозоғистонликлар ўз келажагини партиямиз билан бирга тасаввур қилаётганини кўрсатди. Маълумки, 30 йиллик мустақиллик даврида муваффақиятли ишлар амалга оширилди. Энг асосийси – янги мақсадларга пойдевор қўйилди, – деди Элбоши.

Nur Otan партиясининг раиси сайловолди тарғибот-ташвиқот мавсуми ва сайлов пандемия ва унинг оқибатларидан юзага келган иқтисодий танглик шароитида ўтганини айтди. 

– Дунёда коронавирус юқтирганлар сони ортиб бормоқда. Бутунжаҳон банки дунё иқтисодиёти инқирозга юз тутиб, ишсизлик ортишини башорат қилмоқда. Бундай шароитда ягона сиёсий куч атрофига бириккан жамиятгина муваффақиятга эришади, – деди Қозоғистон Тўнғич Президенти.

Нурсултан Назарбаев бугунги муваффақият жамоа бўлиб бажарилган иш ҳамда ҳар бир партия аъзосининг заҳматли меҳнати натижаси эканлигини алоҳида таъкидлади.

Egemen.kz