Вилоят ижтимоий тараққиёт бошқармасида вилоятимиздаги давлат ахборий сиёсатини амалга ошириш ва ижтимоий-сиёсий аҳволнинг барқарорлиги мавзуида йиғилиш ўтди. Унда бошқарма раҳбари Дамир Жунисов, туман, шаҳар ҳокимликларининг ички сиёсат бўлими раҳбарлари иштирок этди.

Тадбирда ижтимоий-сиёсий аҳволнинг барқарорлигини таъминлаш, давлат ахборий сиёсатини самарали амалга ошириш, нодавлат ташкилотларнинг фаолиятини мувофиқлаштириш, “Маънавий янгиланиш” дастурини тарғибот қилиш ҳамда этнослараро тотувлик масалалари атрофлича муҳокама қилинди.

Шунингдек, Улуснинг улуғ айёми – Наврўзни санитария талабларига риоя қилган ҳолда нишонлаш, байрамга оид режалар пухталанди.

Мажлисда Наврўз байрами арафасида тақдимоти ўтадиган “Туркистон” телеканалининг иш режаси таништирилиб, уни ривожлантириш йўналишлари ҳақида сўз юритилди.

–Туркистон вилоят ҳокимлиги таъсисчи бўлган “Туркистон” телеканали нафақат вилоят аҳлига, балки туркий мамлакатларга 5 тилда хабар тарқатадиган медиамарказ бўлади. Унинг тараққиёти – вилоятнинг маънавий-маданий ривожига ижобий таъсир қилиб, минтақа муваффақиятларини кенг кўламда ташвиқот қилиш имконини беради, – деди Дамир Жунисов.

Мажлис сўнггида йиғилиш иштирокчилари “Алатау” медиа марказининг моддий-техник базаси ва “Туркистон” телеканалининг дастлабки кўрсатувларига тайёргарлик ишлари билан танишишди.