Қарағанди фармацевтика мажмуаси Қозоғистон Республикасида «Гам-КОВИД-Вак» («Спутник – V») коронавирусга қарши вакцинасини рўйхатдан ўтказишди, дея хабар беради Kazinform Қарағанди фармацевтика мажмуаси маълумотларига таяниб.

Компания матбуот хизматининг хабар беришича, 13 февраль куни ҚР Соғликни сақлаш вазирлигининг Эксперт ташкилоти рўйхатга олиш ҳужжатларини кўриб чиқиш натижаларига кўра, вакцинанинг хавфсизлиги, сифати ва самарадорлиги тўғрисида ижобий хулоса чиқарди. Ушбу хулоса асосида ҚР Соғликни сақлаш вазирлиги Тиббий ва фармацевтика назорати қўмитасига рўйхатдан ўтиш гувоҳномасини олиш учун ариза берилди. Шундай қилиб, Қозоғистон «Спутник – V» вакцинасидан фойдаланишни маъқуллаган 27-давлат бўлди. Бугунги кунда вакцина Россия, Беларусь, Аргентина, Боливия, Сербия, Жазоир, Фаластин, Венесуэла, Парагвай, Туркманистон, Венгрия, БАА, Эрон, Гвинея Республикаси, Тунис, Арманистон, Мексика, Никарагуа, Серб Республикаси (Босния ва Герцеговина таркибидаги энтитет), Ливан, Мьянма, Покистон, Мўғулистон ва Баҳрайн каби мамлакатларда рўйхатдан ўтган. 

Эслатиб ўтамиз, Қозоғистонда вакцина ишлаб чиқариш тўғрисидаги қарор ҚР Соғликни сақлаш вазирлиги ва Россия бевосита сармоя жамғармаси комиссияси томонидан Қозоғистон фармацевтика компаниялари хулосалари натижасида қабул қилинган.

Дастлабки ҳисоб-китобларга кўра, жорий йилнинг февраль ойи охирига қадар Қарағанди фармацевтика мажмуаси томонидан ишлаб чиқарилган «Спутник – V» вакцинасининг 90 минг дозасини мамлакатимизнинг барча ҳудудларига етказиш режалаштирилган. Бундан ташқари, вакцинадан фойдаланганда «фойда-хавф» нисбати доимий мониторингини таъминлаш мақсадида гумон қилинган ножўя реакциялар тўғрисида Соғликни сақлаш вазирлиги Тиббиёт ва фармацевтика назорати қўмитасининг Дори воситалари ва тиббиёт буюмлари экспертизаси миллий марказига, шунингдек, Қарағанди фармацевтика мажмуасига хабар бериш муҳимдир.