Туркистон вилояти ҳокими Ўмирзақ Шўкеев Чордара туманидаги «Фахрийлар уйи»га ташриф буюрди. Бу ерда оқсоқоллар иштирокида давра суҳбати уюштирилди.
Вилоят раҳбари уларни янгиланган маънавий пойтахтга таклиф қилди.– Пандемия туфайли кўплаб учрашувлар бекор қилинди. Жамиятдаги самарали мулоқот – устувор аҳамиятга эга.
Сизнинг маслаҳатларингиз ва фикрларингиз биз учун жуда муҳим, зеро, туманнинг ўтмиши ва бугунги ҳаётини ҳеч ким сизлардан яхши билмайди. Мен сиз билан учрашишни доим орзиқиб кутаман. Сизларни янгиланган Туркистонга таклиф қиламан, – деди вилоят ҳокими.
Минтақа раҳбари барча туман ва шаҳарлар раҳбарларига янги Туркистонга боришга истак билдирган оқсоқолларга ёрдам беришни топширди. Маънавий пойтахтга кела оладиганлар орасида меҳнат фахрийлари, вилоят ва мамлакат ижтимоий-иқтисодий тараққиётига залворли ҳисса қўшган оқсоқоллар бор. Саёҳат карантин талабларига қатъий риоя қилган ҳолда ташкил этилиши керак.
Ўмирзақ Шўкеев кекса авлод вакилларининг жамият равнақига қўшган ҳиссаси учун самимий миннатдорлик билдириб, қарияларга эҳтиром, фахрийларга ғамхўрлик келажак авлоднинг бурчи ва вазифаси эканлигини таъкидлади.
 Зиёлилар ва оқсоқоллар вилоят раҳбарига Туркистон вилояти ободончилиги йўлидаги ишларида муваффақиятлар тилади.