«Eni» халқаро энергетика компаниясининг дастлабки йирик сармояси ҳисобидан Ўтрор тумани, Шаулдер қишлоғида 50 МВт қувватга эга қуёш электростанциясининг қурилиши бошланди.

Италиялик сармоядорлар иштирок этган тадбирда Туркистон вилояти ҳокимининг ўринбосари Мейиржан Мирзалиев қатнашди.

Учрашувда сўзга чиққан ҳоким муовини минтақамизда электр қувватининг муқобил турларини ривожлантиришга, қуёш ва шамол энергиясини фойдаланадиган технологияларни фаол жорий этиш учун барча имкониятлар мавжудлигини таъкидлади.

 «Eni» халқаро компаниясининг маҳаллий ҳамкори – «Arm Wind” МЧБ барпо этаётган электр станцияси 100 гектар майдонни эгаллаган. Бу ерда 100 мингдан зиёд фотоэлектрли панеллар, қўшимча станция ва узунлиги 8 чақирим келадиган ҳаво электр тизими барпо этилади. Мамлакатимиздаги қуёш энергетикаси соҳасидаги «Eni» халқаро компанияси томонидан йўлга қўйилган дастлабки йирик сармоявий лойиҳа дастлабки электр қувватини жорий йилнинг 4-чорагида бера бошлайди. 2022 йилнинг бошида тўла қувват билан ишлайди.

 Қуёш электростанцияси ҳавони ифлослантирмайди, экологик жиҳатдан самарали.

Туркистон вилоятида «Arm Wind” МЧБ, «Hevel Қазақстан” МЧБ, “KZT Solar” МЧБ каби 9та йирик қуёш электростанциясининг қурилиши олиб борилмоқда. 

Жорий йилда Туркистон вилоятида 52 млрд. тенгелик 120 МВт қувватга эга қуёш электростанциясини барпо этиш режаланган.