Туркистон вилояти ҳокими Ўмирзақ Шўкеев вилоят марказида барпо этилаётган кўп қаватли уй-жойлар қурилишини кўздан кечирди.
Қурувчилар билан учрашувлда вилоят раҳбари, авваламбор, барпо этилаётган иншоотларнинг сифатига эътибор қаратиш, шунингдек белгиланган жадвалга мувофиқ ишларни якунлаш тўғрисида кўрсатма берди.
Ўтган йили Туркистонда уй-жой олиш учун навбатда турган фуқаролар сони 12 минг кишидан ошди. Шунинг учун янги ижтимоий уйлар сонини кўпайтириш тўғрисида қарор қабул қилинди.
Ўтган йил охирида навбатда турган 440 киши квартирага эга бўлди. Яна 534 киши кўчмас мулкка кредит расмийлаштирган.
Бундан ташқари, 7та уй-жой биноси фойдаланишга топширилган. «Отбасы банк» орқали 336та квартира фойдаланишга топширилди. Бугунги кунда маъмурий-тадбиркорлик марказида 77та уй қурилмоқда. Жорий йил охиригача 730 хонадон фойдаланишга топширилади.
Шу билан бирга, йил охирига қадар шаҳарда 46та кўп қаватли уйнинг ташқи қиёфаси янгиланади. Маънавий пойтахтда автомобиль йўлларини ёритиш ва тубдан таъмирлаш юзасидан кенг кўламли ишлар якунланди. Хусусан, вилоят марказида 10 чақирим йўл таъмирланди, 200 чақирим узунликдаги 140та кўчага ёритиш мосламалари ўрнатилди. 100 чақирим йўл асфалтланди, 81та кўчага пиёдалар йўлаги ётқизилди.