Давлат раҳбари Қасим-Жўмарт Тўқаевнинг 12 мартдаги Фармони билан янгидан ташкил топган Саврон туман маслаҳатининг еттинчи чақириқдаги биринчи сессияси ўтди. Саврон туман ҳудудий сайлов комиссиясининг раиси Жанбўлат Ибрагимов ҳудудий сайлов комиссиясининг қарори билан таништирди.
Унга кўра, Саврон туман маслаҳати депутатларига гувоҳномалар ва кўкрак нишонлари топширилди. Туман тараққиётига ҳисса қўшиш мақсадида маслаҳатнинг таркибига Nur Otan, “Ақ жўл”, “Ауыл” партияларининг аъзолари киритилди.
Еттинчи чақириқдаги Саврон туман маслаҳати депутатларининг рўйхати:
1. Абишева Мақпал Хайрулла қизи;
2. Аринов Ерлан Серикули;
3. Асаев Артур Валиханули;
4. Байменов Ерлан Анварули;
5. Жусипбаев Нуржан Абилдаули;
6. Кунпейсов Мейрамбек Заманбекули;
7. Садуов Талғат Нуралиули;
8. Сауранбекова Арай Асанқизи;
9. Шалданбаев Арман Сапарғалиули.
Саврон туман маслаҳатининг еттинчи чақириқ биринчи сессиясининг кун тартибида еттита масала кўрилди. Саврон туман маслаҳати котиби этиб Мейрамбек Кунпейсов сайланди. Туман маслаҳатининг доимий комиссияси тузилиб, раислари сайланди. “Сауран туман маслаҳати девони” давлат муассасасининг тузилмаси тасдиқланди. Туман маслаҳатининг еттинчи чақириқдаги қарори билан бюджет, иқтисодий тараққиёт, тадбиркорликни қўллаш, қишлоқ хўжалиги ва ижтимоий масалалар бўйича доимий комиссиялар ташкил этилди. Шунингдек, давлат ҳуқуқий, фуқароларнинг қонуний манфаатларини таъминлаш масалалари, миллий сиёсат, маданият ва депутат этикаси бўйича доимий комиссиялар ташкил этилди.