Туркистон шаҳрида “Қандли диабет ва паталогик семизликни лапораскопиявий жарроҳлик орқали даволаш йўллари” мавзуида халқаро илмий-амалий анжуман ўтди.
Унда “Қозоғистонлик бариатриявий ва метаболизм жарроҳлар жамияти” бирлашмаси президенти Ўрал Ўспанов иштирок этди. Шунингдек, Озарбайжон, Ўзбекистон, Россия ва Литвадан ташриф буюрган малакали жарроҳлар онлайн тартибда амалиёт ўтказишди.
Сўнг Туркистон шаҳар марказий касалхонасида қандли диабет билан хасталанган уч нафар беморга лапораскопиявий жарроҳи қилинди. Уни профессор Ўрал Ўспанов ва Туркистон шаҳар марказий касалхонаси бош шифокори Жанбўлат Дилдабеков амалга оширишди.
– Биз бугун пандемия туфайли онлайн анжуман ўтказяпмиз.Ҳозир элимиздаги шифокорлар ҳамда касалхонадаги замонавий ускуналари туфайли бир вақтда бир қанча амалиётни амалга ошириш имконига эга, – деди бирлашма президенти Ў. Ўспанов.
Таъкидлаш жоизки, Туркистон вилоятининг фуқаролари республика аҳамиятига эга шаҳарларга бориб жарроҳи қилдиришарди. Эндиликда Туркистон шаҳар марказий касалхонасида ҳам лапораскопиявий жарроҳлик амалга оширилади.
Анжуманда иштирок этган шифокорлар хорижлик олимларнинг сабоғини тинглаб, малакасини оширишди. Умуман, короновирусдан вафот этганларнинг 90 фоизи қандли диабет ва семизликка мубтало бўлиб, хасталанганлар экан.
Тадбирнинг фахрий меҳмонлари ва иштирокчилари анжуманнинг юксак даражада уюштирилганини таъкидлашди.