Туркистон шаҳида «Туркистон-Арена» ўйингоҳида XI ёзги Универсиада ўйинлари расмий очилди. Тадбир юртимиз мустақиллиги ҳамда Х. А. Яссавий номидаги ХҚТУнинг 30 йиллигига бағишланди. Бу ҳақда университет ректори Ж. Темирбекова маълум қилди.

– Ёзги универсиада – спортнинг 30 тури бўйича юртимизнинг турли минтақаларидан кучлилар куч синашадиган йирик оммавий спорт лойиҳаси. Унинг доирасида беллашувлар Нур-Султан, Алмати, Туркистон, Тараз, Қўстанай, Ўскемен шаҳарларида ҳам ўтказилмоқда. Айни дамда 20 университетнинг талабалари ўзаро беллашишмоқда. Айтиш жоизки, мазкур тадбирнинг очилишида юртимиздаги 20та олий ўқув юртлари талабаларидан иборат флешмоб уюштирилди, – деди Жанар Аменгелди қизи.
 ҚР жисмоний тарбия ва спорт вазирлигининг “Миллий илмий-тажриба ва тарбия маркази” бош директори Т. Есетаев ҳамда халқаро ҳакам, профессор А. Халиллаев беллашувда иштирок этган жамоалар тайёргарлигини юксак баҳолади. Спортчилар ПЗР тест орқали қабул қилиниб, мусобақаларда иштирок этишди. Ғолиблар 2022 йили Хитойда ўтадиган Бутунжаҳон ёзги Универсиадада Қозоғистон жамоаси сафида юрт обрўсини ҳимоя қилади.