Вилоят ҳокимининг ўринбосари Рашид Аюпов хизмат сафари билан Кентов шаҳрига ташриф буюрди.

Шаҳардаги индустриявий ҳудуд, махсус иқтисодий минтақа ва “АБН Альянс” МЧБларнинг фаолияти билан танишган
Р. Аюповни шаҳар ҳокими Даурен Махажанов амалга оширилган ва бажарилаётган сармоявий лойиҳалар ҳамда инфратузилма масалалари билан таништирди.
Индустриявий ҳудуднинг асосий мақсади – янги иш ўринлари яратиш, ишлаб чиқариш ҳажмини кўпайтириш ва иқтисодиётни ривожлантириш. Кентов шаҳридаги индустриявий ҳудуднинг умумий майдони 25 гектар, унинг 10,65 гектарида 9та лойиҳани амалга ошириш кўзланиб, 4,3 гектар ерда инфратузилма ишлари тўкис амалга оширилган.
Бугунги кунда индустриявий ҳудудда индустрлаштириш харитасига киритилган 3та лойиҳа тўлиқ  ишга туширилган.
1. “ЮгЭлектроПривод” МЧБ, майдони 2 гектар, лойиҳа қиймати – 828 млн. тенге;
2. “Электродеталь” МЧБ, майдони 1,6 гектар, лойиҳа қиймати – 816 млн. тенге;
3. Хусусий тадбиркор  Е. Ауезов “Кислород чиқаришни уюштириш” лойиҳаси, лойиҳа қиймати – 45 млн. тенге, майдони – 0,25 гектар.