Туркистон вилоятида «озиқ-овқат камари»ни шакллантириш доирасида қатор истиқболли лойиҳалар амалга оширилмоқда.
Томчилатиб суғориш усулини жорий этишга қарор қилган ўрдабошилик деҳқон хўжаликларидан бири «Ынтымақ агро XXI» МЧБ 782 га майдонда буғдой ва силосбоп маккажўхори етиштириб, ҳосил йиғиб олингач, иккинчи экин – картошка экди.
Туркистон шаҳри атрофида каналлар қазилди ва сув келди. Томчилатиб суғориш самарадорлигини биладиган деҳқонлар сони кўпайгани қувонарли. Куннинг жазирамасида меҳнат қилаётган деҳқонлар вақти келиб, унинг самарасини кўради. «Яшил белбоғ» лойиҳаси табиий тўсиқ сифатида чанг, шамол ва довуллардан ҳимоя қилишга мўлжалланган. Бунда атроф-муҳит кўкаламзорлаштирилиб, шаҳар ҳавоси тозаланиб, иқлим мўътадиллашади.
Бундай қалдирғоч лойиҳага қўшни ҳудудлар ҳам қизиқиш билдирмоқда. Чунончи, туркистонликлар тажрибаси билан танишиш учун яқинда Жамбил вилоятидан мутахассислар келишди. Бу, ўз навбатида, янги технологияларнинг афзалликларидан фойдаланаётган ва даромад келтираётган деҳқонлар сонининг кўпайишига хизмат қилмоқда.
 «SPK-SAURAN» компанияси 650 гектар майдонда томчилатиб суғориш технологиясини жорий қилди ва 10 минг бош қорамолга мўлжалланган бўрдоқилаш мажмуасини қурмоқда.
 Режага кўра, шаҳар атрофи ҳудудида умумий қиймати 63 миллиард тенгега тенг 7та йирик сармоявий лойиҳани амалга ошириш режаланган.