Сайрам тумани, Қорабулоқ қишлоқ ҳокимлигида қишлоқ ҳокимининг ўринбосари Бахтиёр Шомуродов, туман уй-жой-коммунал хўжалиги бўлими раҳбарининг ўринбосари Ақилбай Жақипбеков, жумладан, қишлоқ оқсоқоллари, туман ўзбек этномаданият бирлашмаси аъзоси Зумрад Аҳмедова, туман маслаҳатининг депутатлари Ғанишер Раимқулов, Муҳиддин Сиддиқов ва камина Қорабулоқ қишлоғи фаоллари билан учрашув ўтказдик. Учрашувда сўнгги пайтларда ижтимоий тармоқларда кўпчиликнинг норозилигига сабаб бўлаётган Қорабулоқ қишлоқ ҳокимлиги тасарруфидаги «Таза ауыл» ДККнинг фаолияти, ахлат полигони масаласи кўтарилиб, фаолларнинг   шикоят ва аризаларига жавоб бердик. А. Жақипбеков Сайрам тумани бўйича янги ахлат ташлайдиган полигон очиш мақсадида Кўмешбулақ қишлоғидан ажратилган 10 гектар майдонга давлат ҳужжати тайёрлигини маълум қилди. Смета ҳужжатларини  тайёрлаш учун маблағ кўзланиб, 2023 йил бюджетига киритиш таклифи билан чиқди.
Унгача Қорабулоқ қишлоқ ҳокимиятига қарашли «Таза ауыл» коммунал  давлат корхонасига қарашли ахлат полигони фаолиятини Қозоғистон Республикасининг қонунларига мувофиқ ташкиллаштиришни назоратга олиш Қорабулоқ қишлоғи ҳокимлиги ва «Таза ауыл» ДКК раҳбари Б. Шомамедовга топширилди.