2022 йилда “Қишлоқ – эл бешиги” лойиҳаси доирасида Туркистон вилоятининг 104та аҳоли манзилида 253та лойиҳани амалга ошириш учун бюджетдан жами 18 млрд. тенге ажратилди. 164та иншоот барпо этилиб, фойдаланишга топширилди. Лойиҳаларни амалга ошириш жараёнида 3,5 мингга яқин вақтинча иш ўрни яратилди.

Жорий йилда ҳам йирик иншоотлар эл эзгулигига топширилади. Қозоғистон Республикаси Бош вазири Алихан Смаилов раислигида ўтказилган Ҳукумат йиғилишида Туркистон вилояти ҳокими Дархан Сатибалди “Қишлоқ – эл бешиги” лойиҳасининг амалга оширилиши ҳақида маъруза қилди. Унда ижтимоий ва муҳандислик инфратузилмасини замонавийлаштириш ҳисобига қишлоқ аҳолисининг турмуш фаровонлигини оширишга қаратилган кенг кўламли лойиҳани ҳаётга татбиқ этишнинг бориши мухокама қилинди. Ҳукумат раҳбари Туркистон вилоятида лойиҳаларни ишга тушириш суръати яхши эканини таъкидлади.

– Муҳим лойиҳа доирасида қишлоқларда йўллар таъмирланиб, таълим, маданият, спорт, соғликни сақлаш муассасалари барпо этилмоқда. Қишлоқ инфратузилмасини ривожлантиришга ҳам алоҳида эътибор қаратилмоқда. Туркистон вилоятида соғликни сақлаш соҳасида 1,1 млрд. тенгега 10та лойиҳа, маданият ва спорт соҳаларида 4 млрд. тенгега 20та лойиҳа амалга оширилди. Шунингдек, уй-жой коммунал хўжалиги соҳасида 3 млрд. тенгега 21та лойиҳанинг қурилиши бошланди ва жорий йилда фойдаланишга топширилади. Яна 143та аҳоли манзилида 294та лойиҳани амалга ошириш учун бюджетдан жами 23,4 млрд. тенге ажратиш режаланган. Лойиҳаларни амалга ошириш доирасида 4,5 мингга яқин иш ўрни яратиш режалаштирилган. Қишлоқларнинг 1000 чақиримдан зиёд ички кўчалари таъмирланди. Натижада, 175та аҳоли манзилида (600 мингдан ортиқ аҳоли) яшаш учун қулай шарт-шароитлар яратилди. Аҳоли билан учрашувларда қишлоқ аҳоли манзиллари инфратузилмасига оид саволларнинг 50 фоиздан зиёди кўтарилади. Вилоят аҳолисининг 80 фоизи қишлоқларда истиқомат қилаётгани боис, “Қишлоқ – эл бешиги” лойиҳаси вилоятимиз учун муҳим аҳамиятга эга. Умуман олганда, лойиҳанинг амалга оширилиши доимий назоратда, – деди Туркистон вилояти ҳокими Дархан Сатибалди.