Туркистон вилояти делегацияси Туркия Республикаси корхоналари фаолияти билан танишиб, қўшма лойиҳаларни амалга ошириш масалалари юзасидан музокаралар олиб борди.

Хизмат сафари вилоят тадбиркорлик ва саноат бошқармасининг ташаббуси билан ташкил этилди. “Turkistan Invest” сармояларни жалб этиш ва экспортни ривожлантириш агентлиги, “Turan” махсус иқтисодий минтақаси, Кентов ва Арис шаҳарлари, Ўтрор, Сўзоқ ва Саврон туманлари ҳокимликлари ҳамда тадбиркорларидан ташкил топган делегация Измир ва Кўния шаҳарлари Савдо-саноат палатаси раҳбарияти, бизнес вакиллари билан учрашувлар ўтказиб, музокаралар олиб борди. Савдо-иқтисодий ва сармоявий муносабатларни ривожлантириш бўйича тадбиркорлик сиёсатини юритиш учун масъул Савдо-иқтисодий муносабатларни ривожлантириш палаталари билан меморандумлар имзоланди.

Делегациянинг хизмат сафари Туркиянинг энг йирик, Европанинг 3-қишлоқ хўжалиги ярмаркаси – “Кўния қишлоқ хўжалиги ярмаркаси – 2024”да давом этди. Унда қишлоқ хўжалиги соҳасида энг замонавий технологиялардан фойдаланаётган корхоналар Туркистон вилоятининг сармоявий имкониятлари билан таништирилиб, қўшма лойиҳаларни амалга ошириш юзасидан таклифлар билдирилди.

Музокаралар давомида  қатор Туркия корхоналари Туркистон вилоятига сармоя киритишга қизиқиш билдирди. Яқин кунларда Туркия делегациясининг Туркистон вилоятига ташрифи кутилмоқда.