Шаҳримизда болалар ва ўсмирлар учун халқаро талаб­ларга жавоб берадиган дастлабки бокс мактаби очилди. Мактабнинг очилиш маъросимида вилоят ҳокими Жансейит Туймебаев иштирок этди.

Минтақа раҳбари ушбу бокс мактаби вилоятимиздаги ёш спортчиларимизнинг нуфузли мусобақаларга пухта тайёланиши учун яратилган махсус спорт базаси эканлигини таъкидлади.

– Спорт ва жисмоний тарбия – улкан миллий аҳамиятга эга ижтимоий соҳа ҳисобланади. Элбошимиз – соғлом халқ­­гина жаҳон рақобатига тайёр бў­лади, деб кўп маротаба айтган. Шу­­­­­­нингдек, Президентимиз 2020 йил­га қадар қозоғистонликларнинг 30 фоизини оммавий спортга жалб этиш лозимлигини таъкидлаган. Авлодимиз руҳи баланд, соғлиги мустаҳкам бўлиши учун оммавий спортни кенг тарғиб қилиб, ёшларнинг спорт билан шуғулланишига ўзимиз суянч бўлишимиз лозим, – деди Ж. Туймебаев.

Янги спорт иншоотида сўнгги намунадаги замонавий ўқув синфлари, машғулот хоналари, ётоқхона, тиб­биёт хонаси, ҳаммом, махсус касбий бокс иншооти ва 220 томошабинга мўлжалланган зал мавжуд.

Шунингдек, бу ерда ёшларнинг ма­­­­ҳо­­­­­ратини орттириш мақсадида олим­пиада ўйинлари ғолиблари ва миллий терма жамоа аъзоларидан дарс олиш учун барча имкониятлар яратилган. Ҳозирги кунда ушбу мактабда 700га яқин ўқувчи таълим олмоқда.