Жанубий Қозоғистон вилоят ҳокимининг фармойишига кўра, вилоят давлат меъмор­чилик-қурилиш назорати бошқармасига Рахмет Абдикаримули БЕКТАЕВ раҳбар этиб тайинланди.

Р. Бектаев 1965 йил­да туғилган, олий маълу­мотли, мута­хас­сислиги – муҳандис-қурувчи, ҳуқуқ­шунос.

Меҳнат фаолиятини 1986 йили 18-сонли “Шым­кентселстрой” трес­ти 1-темир-бетон заводида ишчи сифатида бошлаган. 

1991-2008 йиллари дав­лат хизматининг тур­ли жабҳаларида – Қозо­­­ғистон Республикаси Ички ишлар вазирлиги ва Молия полицияси идораларида меҳнат қилган. 2009-2012 йиллари Жанубий Қозоғистон вилояти бўйича транспорт назорати инспекцияси раҳбарининг ўринбосари, “Оңтүстік” транспорт назорати инспекциясининг бош давлат транспорти инспектори. 2012-2015 йиллари Жанубий Қозоғистон вилояти бўйича давлат меъморчилик-қурилиш назорати ва лицензиялаш департаментида, 2015-2016 йиллари Жанубий Қозоғистон вилояти давлат меъморчилик-қурилиш назорати бошқармасида бўлим раҳбари лавозимларида фаолият юритди. 

2016 йил декабрь ойидан бошлаб Жанубий Қозоғистон вилояти давлат меъморчилик-қурилиш назорати бошқармаси раҳбарининг ўринбосари вазифасида хизмат қилди.

Вилоят ҳокимининг матбуот хизмати.