“Нұр Отан” партияси раисининг биринчи ўринбосари Мухтар Қул-Мухаммед Қозоғистон Республикаси Президенти, партия раи­си Н. Назарбаевнинг фармо­йишига кўра, партия котиби этиб тайин­ланган Ғабидулла Аб­­­­­­­ди­­­­­­­­­рахимовни марказий девон жамоасига та­­­ништирди.

М. Қул-Мухаммед пар­тия котиби вазифасида сама­рали меҳнат қил­ган З. Турисбековга мин­натдорчилик билдириб, Бутундунё қозоқлар ҳам­жамиятининг раиси ўрин­босари лавозимидаги фаолиятига муваффақият тилади. 

Ғ. Абдирахимов 1975 йил 23 январда Жанубий Қозоғистон вилоятида туғилган. Олий маълумотли, мута­хассислиги – иқти­содчи, давлат бошқаруви. Қозоқ, рус, инглиз ва немис тилларини мукаммал билади.

Турли раҳбар лаво­зимларида меҳнат қилган. Қозоғистон Рес­публикаси давлат хизмати ишлари агентлиги, ҚР Рақобатбардошликни ҳимоя қилиш агентлигига етакчи, Бош вазир девонига раҳбарлик қилган. 

ҚР Президенти маъму­рияти раҳбарининг ўринбосари вазифаларида самарали меҳнат қилди. “Нұр Отан” партияси котиби этиб тайинлангунга қадар, икки йил Шимкент шаҳри ҳокими вазифасида фаолият юритди.