ПРЕЗИДЕНТ НУРСУЛТАН НАЗАРБАЕВ «НҰР ОТАН» ПАРТИЯСИ СИЁСИЙ КЕНГАШИНИНГ КЕНГАЙТИРИЛГАН ЙИҒИЛИШИДА ИШТИРОК ЭТДИ

Йиғилишда Сиёсий кенгаш аъзолари: Ҳукумат, Президент девони раҳбарлари, Давлат котиби, Мажлисдаги «Нұр Отан» фракцияси депутатлари, марказий ва маҳаллий давлат органлари раҳбарлари иштирок этишди. 

Кенгайтирилган мажлисда мамлакатнинг сиёсий ва иқтисодий маънавий янгиланиш жараёнлари доирасида олиб бораётган партия фаолияти натижалари муҳокама қилинди.

Шунингдек, Элбоши мамлакатда содир бўлаётган ўзгаришларга мос равишда «Нұр Отан» партиясини замонавийлаштириш зарурлигини маълум қилди.

– Мамлакат замонавийлашаётгани учун иқтисодиёт ва сиёсий кучлар ҳам бунга мос келишлари керак, – дея таъкидлаб ўтди давлат раҳбари. – Ўтган йилларда партия Қозоғистонда вазиятни барқарорлаштириш, шунингдек, мамлакатимизни ижтимоий-иқтисодий тараққий эттириш, аҳоли турмуш даражасини юксалтириш билан боғлиқ долзарб масалаларни ҳал этиш бўйича белгиланган вазифаларни амалга оширишга катта ҳисса қўшди.

Давлат раҳбари «Рухани жаңғыру» маънавий янгиланиш дастурини «Нұр Отан» партияси мафкуравий фаолияти учун дастуриламал бўлиши зарурлигини таъкидлади.

Қозоғистон Президенти партияни тубдан ислоҳ қилиш юзасидан аниқ таклифлар киритиш муҳимлигига эътибор қаратиб, партия раисининг биринчи ўринбосари Мухтар Қул-Мухаммеднинг ҳисоботини тинглади.