Вилоят ҳокими Жансейит Туймебаев лотин алифбосини тарғибот қилиш мақсадида келган махсус гуруҳ аъзолари билан учрашди. Гуруҳ таркибида таниқли сиёсатчилар – Ерлан Саиров, Амиржан Қўсанов, Талғат Қалиев, шунингдек, шоир Ақберен Елгезек, блогер-журналист Руслан Желдибай бор. Учрашувда янги алифбо ҳақида ўй-фикрлар ўртага ташланди. Минтақа раҳбари лотин алифбосининг аҳамиятига тўхталиб, жумладан шундай деди:

– Мамлакатимизда 1929-1940 йиллари лотин алифбоси қўлланилган. Демак, биз лотин ҳарфига қайтмоқдамиз. Лотин алифбоси орқали туркий халқларга тил томонидан янада яқинлашиб, маънавий камол топишга йўл очамиз. Албатта, юртимиз учун мустақиллик, миллий қадриятлар беқиёс қадр-қимматга эга. Бу борада Элбошининг “Маънавий янгиланиш” дастурий мақоласида давлат, миллий масалаларнинг ечими ҳақида аниқ айтилди. Устувор вазифаларни амалга ошириш учун ҳар биримиз жонбозлик кўрсатишимиз керак.

Учрашувда сўз олган таниқли сиёсатчи Ерлан Саиров “Лотинга қайтиш – сиёсий қадам, тўғри қарор ва тарихий воқеа” эканлигини айтса, Амиржан Сағидрахманули фикрларини шундай билдирди:

– Афсусланарлиси, орамизда янги алифбога ўтишни хоҳламаётганлар ҳам бор. Улар – кириллчага ўрганиб қолганлар ёки эски алифбода китоблари чоп этилганлар. Бундан чўчимаслик керак. Энг асосийси, сиёсий қарор чиқарилди. Энди уни амалга оширишга киришганимиз маъқул.

Талғат Қалиев ҳам мулоҳазаларини билдириб, гуруҳнинг асосий мақсади ҳақида гапирди ва республикамиздаги ёшларга мўлжалланган марказларнинг ишлаш тартиби янгиланаётганини айтди.

Учрашув сўнггида минтақа раҳбари меҳмонларга миннатдорчилик билдириб, ишларига муваффақият тилади ва эсдалик совғаларини топширди.