Шимкентда МДҲ давлатларининг маданий пойтахти йилига тайёргарлик бошланди.

Шимкент шаҳри 2020 йили  МДҲ давлатларининг маданий пойтахти деб эълон қилин­ганидан ҳамшаҳарларимизнинг хабари бор. Бундай юксак мартаба, албатта катта масъу­­­лият, жавобгарлик юклайди. 

Вилоят ҳокими Ж. Туймебаев раислигида ўтган йиғинда шаҳарни режа асосида ҳар томонлама ривожлантириш масаласи муҳокама қилинди. Унда шаҳардаги биноларни меъморий жиҳатдан тартибга солиш, маданий иншоотлар бунёд этиш, ободонлаштириш ва инфратузилмани такомиллаштириш масаласи муҳокама этилди.

Мажлисда шаҳар ҳокими Н. Сауранбаев, унинг ўринбо­сарлари ва мутасадди бош­­­­қарма­ларнинг раҳбарлари қатнаш­­­­­­­дилар.

Минтақа раҳбари тадбирга тайёргарликни бугундан бош­лашни топширди.

– Аввало шаҳарни ривож­лантириш режасини тасдиқлаб, шунга мувофиқ иш юритиш зарур. Иккинчидан, шаҳар ҳудудини “яшил майдон”га айлантириш мақсадида махсус харита тайёрлаган маъқул. Кўп қаватли уйларнинг олд қисмини тартибга келтириш ишларини режа асосида юритиш керак. Меҳмонлар ва шаҳарликлар маданий ҳордиқ чиқаришлари учун хиёбонлар ва “Арбат” барпо этиш мақсадга мувофиқдир. Шимкентнинг тарихий шаҳар эканлигини далиллайдиган “Эски шаҳар” ҳудудида олиб борилаётган қазилма ишларини тўхтатмаслик керак, – деди Ж. Туймебаев.

Шимкент шаҳри яқин уч йил­­­­­­­­­­­­­да сезиларли даражада кўр­­­камлашади. “Шимкент Сити” ло­­­йиҳасининг амалга оширилиши, “Арбат”нинг барпо этилиши, Эски шаҳар ўрнида очиқ музей ташкил қилиниши бунга яққол далил. 

Шунингдек, “Шатқал” дастури доирасида ўтқазилган кўчатлар 2020 йилга бориб боғ-роғга ай­ланади. Яқин келажакда шаҳар­нинг яшил ҳудудини 18 минг гектарга етказиш режаланмоқда. Шунингдек, барча бинолар ёритиш мосламалари билан безатилиши керак.

Мин­тақа раҳбари вилоят мар­казига қўшилган аҳоли манзил­­ларини ободонлаштиришни ҳам эътибордан четда қолдирмасликни топширди.