Вилоят жиноий ишлар бўйича ихти­сослаштирилган туманлараро суди айбланувчини 13 йилга озодликдан маҳ­рум қилди, деб маълум қилади “Қазақ­парат” агентлиги.

Суд ҳукмини эълон қилишдан аввал судья Даурен Мадалиев айбланувчининг қандай жиноят қилганини айтиб ўтди. Маълум бўлишича, у икки йил муқаддам Жиноят кодексининг 242-моддаси “Банк операциялари тўғрисида ёлғон маълу­мотлар бериш” моддаси билан судланиб, икки йилга озодликдан маҳрум этилган. Жазосини ўтаб чиққач, яна бир оғир жиноятга қўл урган. Яъни, 2017 йилнинг август ойида қайноғасини пичоқлаб ўлдирган.

Шунга қарамай, полицияда ёлғон ах­борот бериб, қайноғасини нотаниш кимсалар ўлдириб кетди, деб  хабар қил­ган. Бироқ, унинг телефонини тинг­лаш орқали жиноятни ўзи амалга оширгани исботланди.

– Суд айбланувчини Жиноят кодек­сининг 99-модда, 1-банди ҳамда 188-мод­да, 1-2-банди билан айбдор деб топиб, 13 йилу 6 ойга озодликдан маҳ­­рум этиш ҳақида ҳукм чиқарди. У жазо­­­­­­­­­­сини кучай­тирилган тартибдаги колонияда ўтка­задиган бўл­ди, – деди судья Д. Мадалиев.