Элбоши вилоятлар, Алмати ва Астана шаҳарлари ҳокимларини қабуллади. 

Йиғилишда Давлат раҳбари озиқ-овқат маҳсулотлари нархлари барқарорлигини сақлаш ва тарифларни созлаш зарурлигига эътибор қаратди. Нурсултан Назарбаев вилоятларда иситиш мавсумининг узлуксиз давом этиши зарурлигини таъкидлади. 

Бундан ташқари, Қозоғистон Президенти Ҳукуматга вилоят ҳокимлари билан биргаликда баҳор мавсумида тошқинларнинг олдини олиш бўйича чоралар кўришни топширди. Шунингдек, эриган қор сувларини тўплаб, қишлоқ хўжалиги мақсадларида фойдаланиш имкониятларини кўриб чиқишни таклиф қилди. 

– Икки минг одамдан зиёд аҳоли яшовчи манзиллар даражасида маҳаллий ўзини ўзи бошқариш жорий этилмоқда. Бу – бюджетнинг тўртинчи даражаси. 7 та солиқ  маблағи уларга берилади. Айни вақтда харажатлар 19 йўналиш бўйича амалга оширилади. Ҳисоб-китобларга кўра, қишлоқ округларидан фақат 11 фоизи даромадлари ҳисобига ўзини ўзи таъминлай олади. Шунинг учун Ҳукумат вилоят раҳбарлари билан бирга бу масалани назоратига олиши зарур, – деди Нурсултан Назарбаев.

Қозоғистон Президенти мамлакатимизни ривожлантириш лойиҳалари ва дастурларини тарғиб этишнинг аҳамиятини таъкидлади ва бу ишга “Нұр Отан” партиясини ҳам жалб қилиш зарурлигини кўрсатди. 

Йиғилишда Астана шаҳри, Қизилўрда, Қарағанди, Шарқий Қозоғистон вилоятлари ҳокимлари минтақалардаги вазият ҳақида ахборот беришди.