Элбоши “Астана Бош режаси” илмий-текшириш лойиҳа институти” масъулияти чекланган биродарлиги бўлди.

Давлат раҳбари пойтахтни ободонлаштиришга доир лойиҳаларнинг амалга оширилиши, шунингдек, шаҳар инфратузилмавий ҳамда ижтимоий-маданий иншоотларининг қурилиш режалари билан танишди.

Нурсултан Назарбаев Астанада янги меъморчилик ҳамда логистика иншоотларини қуриш вақтида шаҳарсозлик соҳасидаги жаҳон ютуқларини таҳлил қилиб, улардан фойдаланиш лозимлигини таъкидлади.

Қозоғистон Президенти шаҳарда яшаш сифати ва фаровонлик даражасини оширишга йўналтирилган ижтимоий лойиҳаларни амалга оширишнинг муҳимлигини қайд этди.

Шунингдек, Давлат раҳбари Элўрданинг 20 йиллигига бағишланган байрам тадбирларини уюштириб, ўтказиш масаласига жиддий эътибор қаратди.

– Биз 20 йил ичида Буюк Даштнинг қоқ ўртасида бутун дунёга танилган янги, гўзал шаҳар барпо этдик. Бу шаҳар халқимизнинг ифтихорига айланди. Албатта, бу – шаҳар ҳокимлиги, қурувчилар, меъморлар ва ушбу жараёнда иштирок этган кўплаб кишилар меҳнатининг меваси. Биз бу йил Пойтахимизнинг 20 йиллигини нишонлаймиз. Меҳмонларимизга Астананинг йигирма йилда эришган ютуқлари, мафтункорлиги ҳамда юқори турмуш даражасини кўрсатишимиз керак, – деди Элбоши.

Шу билан бирга, Астана шаҳри ҳокими А. Исекешев пойтахтни янада ривожлантириш ҳамда шаҳарликларнинг турмуш даражасини яхшилашнинг асосий кўрсаткичларига эришиш йўлида амалга оширилаётган ишлар ҳақида маълумот берди.

Якунида Нурсултан Назарбаев қатор аниқ топшириқлар берди.