Жанубий Қозоғистон ви­лояти ҳокимлигида мин­­­тақа раҳбари Ж. Туймебаев раислигида ҳайъат йиғи­ли­ши ўтди. Унда Кентов ва Туркистон шаҳарларини иж­тимоий-иқтисодий ривож­лантиришнинг 2018-2025 йил­ларга мўлжалланган кон­цепцияси муҳокама қи­линди.

Тадбирда дастлаб Тур­кистон шаҳрининг ҳокими Тажибек Му­саев шаҳарнинг ижтимоий-иқти­содий ри­вожланиш концеп­цияси билан таништирди.

У кўҳна Турон заминида ту­ризмни ривожлантириш мақ­­­садида 2018 йили уч юл­дуз­ли меҳмонхона, 2000 одамга турли хизмат кўрсатиш имкониятига эга “Mega City” ҳордиқ ҳамда 100 одамга мўл­жалланган спорт мажмуаси барпо этилишини айтди.

2019-2025 йиллар оралиғида Туркистон шаҳрида бюджет ҳисобидан умумий майдони 280 минг квадрат метр ижаравий уй-жой қурилиб, 4800 оилага фойдаланишга берилади.

Кентов шаҳрини ривож­лан­тириш коцепцияси билан шаҳар ҳокими Абдибақит Ма­қулбаев таништирди.

– Дастлабки йўналиш – са­­­­­­­­­­­­­­­­ноат соҳасини ривож­ланти­­­­­­­­­­­­­­­­­­­­­­­риш, кичик ва ўрта тад­бир­кор­­­­­­­­ликни кен­гайтириш, шу­нинг­­­­дек, қишлоқ хў­­жалиги со­­­­­­­­­­­­­­­­­­ҳаси, ижтимоий ин­­­­­­­­­­­­­­­­­­­­­шоот­лар ва муҳандислик ин­фра­­­­­­­­­­­­­­­­­­­­­­­­­тузил­маларини янгилаш, – де­­­­ди у. 

2021 йилгача шаҳар ва қиш­­лоқ аҳолисини 100 фоиз та­биий газ билан таъминлаш ре­жаланмоқда.

“Минтақаларни ривожлан­­тириш – 2020” ва “Нурли ер” давлат дастурлари доирасида 2018-2025 йилларда 2220 ои­­ла коммунал уй-жой билан таъмин­ланади.

Туркистон, Кентов шаҳар­ларини ривожлантириш кон­цепциясини тинглаган ви­ло­ят ҳокими шаҳарларнинг ҳо­кимларига лойиҳани аниқ амал­­га ошириш учун яна чуқур таҳ­­­­­­­­­­­­­­­­­­­­­­­­­­­лил қилиб, ўрганишни топ­ширди.